Girls Code хөтөлбөр нь хөдөө, алслагдсан болон боломж бага бүс нутгийн охидод программчлал, ШУ-ны суурь ур чадварыг эзэмшүүлэх зорилготой юм. Хөтөлбөрийн хүрээнд 3 сарын эрчимжүүлсэн сургалтыг зохион байгуулж, технологийн салбар дахь жендерийн ялгааг арилгах, ирээдүйн эмэгтэй инженер, удирдагчдыг бэлтгэхийг зорьдог. Одоогийн байдлаар тус хөтөлбөрөөс 120 оролцогч амжилттай төгссөн байна. Тав дахь удаагийн хөтөлбөрийн 30 охид одоогоор 3 сарын эрчимжүүлсэн bootcamp сургалтад хамрагдаж байна. Энэ жилийн хөтөлбөрийг НҮБ-ийн Монгол дахь Хүүхдийн сан санхүүжүүлж, Санхүү, эдийн засгийн их сургуультай IO институттэй хамтран хэрэгжүүлж байна.